viernes, 24 de mayo de 2019

ENTREVISTAS campaña electoral VI - candidatura Betanzos en Común

   Xa chegamos á derradeira entrevista da serie adicada ao Pasatempo na futura acción política. Os próximos catro anos de política municipal, dun xeito ou doutro, serán claves no futuro do Parque. Outra vez toca reunirse cun coñecido, Alberte Muiño, o concelleiro de Betanzos en Común nesta lexislatura que se esgota. A paixón que Alberte amosou dende o primeiro día polo Parque fíxome compartir con el charlas centradas máis na propia Horta de Don Juan que en temas políticos, agora xa solucionamos ese punto.



ENTREVISTAS campaña electoral V - candidatura PP

   Cuarta entrevista, tócalle a quenda á xente do PP. Reencontro coa primeira política coa que tiven contacto para o blog, Cecilia Vázquez, candidata dos populares con quen falei no 2016 para documentar a actividade de limpeza da Fonte das catro Estacións (xullo 2016). Este programa serviu para ver traballar conxuntamente a Concello e Xunta, algo que desexariamos ver de novo e coa maior brevidade posible. Con ela achéganse dous compañeiros de listas, Susana Golpe, a súa número dous, e Eduardo Rodríguez Teijo, número seis. Persoalmente encántame ver con estas entrevistas, así llelo comento, un panorama político claramente feminino, na nosa asociación dáse esta mesma situación e damos a benvida a esta normalidade.

ENTREVISTAS campaña electoral IV - candidatura Ciudadanos

   A cuarta entrevista ten como protagonista ao líder de Ciudadanos en Betanzos. Coñecín a Javier de la Fuente fai pouco, quedamos no bar ubicado nos baixos da Casa de Don Juan, na Antiga praza do Campo, inmellorable lugar tendo pechado o Pasatempo e chispeando fóra. Foi, ademáis do que veredes transcrito a continuación, unha toma de contacto entre a nosa asociación e un dos partidos emerxentes que podería facilitar un futuro goberno autonómico. Pero centrémonos no agora, vexamos que nos conta Javier sobre as futuras eleccións e o pasado recente do noso xardín escultórico favorito.


jueves, 23 de mayo de 2019

ENTREVISTAS campaña electoral III - candidatura Podemos

   A segunda entrevista fixémoslla á xente de Podemos. Quedamos na parte nova do parque para poder visitar elementos da zona baixa dos que falamos máis tarde. Acuden á cita: Noelia Pedreira, número un do partido morado, Adrián Fernández, no número catro, e Maite Peteiro, oitava nunha lista encabezada por tres mulleres. Con Noelia xa tiñamos coincidido nalgunha ocasión e Maite foi unha das moitas voluntarias que axudou a facer unha das primerias (e máis importantes) actividades de limpeza no parque, un pracer atopar na política a xente que se coñece de traballos propios do voluntariado. Desagradecidos, non publicitados e moi, moi necesarios, como foi o caso.



ENTREVISTAS campaña electoral II - candidatura Betanzos Novo

Terceira entrevista, nesta ocasión reunímonos con Hipólito Pérez, candidato á alcaldía por Betanzos Novo. Rencontrámonos cun dos políticos (e partidos) cos que durante os dous últimos anos puidemos colaborar, intercambiar opinións, información, proxectos... O perfil técnico e a experiencia laboral deste veciño da Madalena fíxonos obter un novo enfoque nas respostas dadas. Cada entrevista sérvenos para aprender e a miralo Parque dende distintas perspectivas á nosa. Estamos cheos de preguntas e de gañas de saber, así que imos a por outras tantas respostas.



miércoles, 22 de mayo de 2019

ENTREVISTAS campaña electoral I - candidatura BNG

   O próximo 26 de maio terán lugar as eleccións municipais. Cremos necesario que o parque estea no debate electoral. A xente pode ver o lamentable estado do Pasatempo tras décadas e décadas de oportunidades perdidas. Gobernos de todas as cores pasaron por Xunta, Deputación e Concello, sendo a cor azul do PP no goberno autonómico, e a do PSOE no concello, as claramente predominantes nos xa 33 anos dun “Pasatempo público”. Como arredor do parque levan anos facéndose promesas incumpridas con inversións que nunca chegan, e é xa un auténtico orixe de polémica entre os partidos do bipartidismo (PP-PSOE), cremos necesario acercarvos a vós, e a nós, a xente da Asociación de Amigas do Parque do Pasatempo, unha información que non sairía nunca nos medios clásicos. Estas empresas, presas doutras cuestións, presas das obrigas que teñen cara a anunciantes (as administracións) e presas das presións que claramente lles aplican certas administracións e certos políticos, fan entrevistas que consideramos demasiado blandiñas, case son parte da propia campaña de cada partido, sen ánimo de molestar nin de querer afondar en temas espiñosos. Non pretendemos ser "Folloneros" nin "Anaspastores", non somos periodistas e esto será moi cutre e amateur, pero non queremos ser palmeiros de ninguén e facer as nosas propias preguntas.

   Para arrancar estas entrevistas púxenme en contacto con Noelia Pedreira (Podemos), Cecilia Vázquez (PP), Javier de la Fuente (Ciudadanos), Henrique del Río (BNG), Alberte Muiño (Betanzos en Común), Xosé Vales (Betanzos Novo) e co goberno municipal (o trato persoal do socio que levou a cabo as entrevistas coa xente do PSOE betanceiro é inexistente, en xeral as relacións da Asociación non pudieron ser moi boas debido a defensa do Pasatempo que sempre fixemos e faremos do parque) O PSOE non quixo atender á nosa solicitude. A resposta, máis dunha semana despois de tentar falar con eles, foi a seguinte:
“Buenas tardes, disculpe la demora. No consideramos participar en esta entrevista. Una de nuestras principales preocupaciones es que el parque se recupere y en ello estamos centrados. Un saludo y gracias.
(...) consideramos que el parque no se arregla ni con entrevistas, ni con fotos.”
Sobra añadir nada.

Sen máis, damos comezo a esta serie de entrevistas.
A primeira charla con xente das diferentes candidaturas á alcaldía a Betanzos tivo lugar no local do BNG, unha tarde chuviosa fainos non poder acercarnos ao Pasatempo, tal como pretendiamos. Henrique del Río e Amelia Sánchez, números un e dous da lista do Bloque respectivamente, axudarannos a coñecer mellor o parque e as propostas e accións presentes, pasadas e futuras para co parque levadas a cabo pola forza nacionalista.



viernes, 17 de mayo de 2019

Presentación Casa dos Espellos #2 (jueves 16 mayo de 2019)


   El jueves 16 de mayo de 2019 se presenta el segundo número de la revista Casa dos Espellos. De nuevo nos acogen en Biblos, lugar perfecto para que en la Asociación de Amigas do Parque do Pasatempo comencemos a describir (y cerremos) círculos que siempre tienen como centro nuestro amado parque.