Moitas gracias á xente do grupo "Azougue", da Escola Municipal de Folclore de Betanzos, por compartir estas imaxes. Trátase de fotografías dun Pasatempo que acaba de estrearse, estamos neses finais da década dos anos 90 onde se puido contemplar esas cuestionables cores, ese absurdo mirador metálico, o constante fracaso do edificio da parte superior ao que nunca se lle deu un uso duradeiro e ben planificado... En fin, vaiamos imaxe por imaxe comentando os detalles que máis destacan.
Aquí podemos ver varias cousas, o mirador de planta circular e a edificación do nivel máis elevado. As horrendas cores fannos chorar, por último comentar que ainda non se ven os froitos do desastroso traballo do paisaxista que encheu todo de árbores que nuns anos formarían un auténtico muro que impediu ver o parque, restándolle visibilidade, simboloxía e, o peor de todo, seguridade ás covas subterráneas.
